�� वास्तुकलेचा अविष्कार- किल्ले दातेगड
����������������������
आजच्या चालू काळातिल प्रगत तंत्रज्ञान त्याकाळी नसतानाही वास्तु कलेचा अप्रतिम नजारा आपल्याला किल्ले दातेगडावर पाहायला मिळतो. अतिशय कोरीव व अवाढव्य काम आपल्याला किल्ले कलानिधीगडासारखे किल्ले दातेगडावर पहायला मिळते.
����������������������
पाटन पसल्या या किल्ल्याबाबत खुप ऐकून होतो. आड़ वाटेला असलेल्या या किल्ल्याला पर्यटकांची तसेच दुर्ग वेड्यांची वर्दळ कमीच असते. या किल्ल्याला तसा जास्त इतिहास लाभलेला नाही किंवा या किल्ल्यावर तसे जास्त पाहन्यासारखेही नाही असा कदाचित यामागचे कारण असेल पण छत्रपतिंच्या पद्स्पर्शाने पावन झालेल्या या किल्ल्यावरच देखन बांधकाम बघून कोणालाही शिवकाळातिल लोकांचा हेवा वाटेल...
����������������������
किल्ले दातेगडाचा इतिहास सर्व वाचून आम्ही दातेगडाला जाण्यासाठी निघालो. कराड हुन पाटन मधे पोहोचलो. पाटन मधून टोळेवाडी चा रस्ता विचारत आम्ही निघालो. पाटन ते टोळेवाडी अन्तर 10 KM च्या आसपास आहे. घाटातुन वर गेल्यावर आपल्याला टोळेवाडी च्या अलीकडे एका रांगेत 3 डोंगर रांगा दिसतील, त्यापैकी मधला डोंगर म्हणजेच किल्ले दातेगड होय...
����������������������
रस्त्याच्या दोन्ही बाजूला लाल माती, हिरवेगार जंगल पाहत आपन किल्ले दातेगडाच्या पायथ्याशी असलेल्या स्वागत फलाकापशी थाम्बावे. येथे गाड़ी लावून घनदाट झाडीतील पाउलवाट पकड़ावी. अर्ध्या तासाच्या चढ़ाई नन्तर आपण किल्ल्याच्या पुर्वेकड़ील बाजुस तटबंदीवर पोहोचतो. येथून आजुबाजुचा परिसर न्याहाळुन सरळ पुढे जावे, येथे आपल्याला गडावरील दक्षिण दरवाजा दिसेल. पायर्या उतरून खाली गेल्यावर भुकंम्पामधे पड्झड झालेला दरवाजा दिसेल. दरवाज्याच्या समोरच पूर्वेला तोंड करून गणपतीची व दक्षिणाभिमुख मारुती दगडात कोरलेले दिसतील, यांची उंची सरसरी 8-10 फुट आहे. परत आलेल्या वाटेने पायर्या चढून वर गड्माथ्यावर जायचे. इथून डाव्या बाजूने पुढे गेल्यावर एक नागमोडी 15 फूटी रुंद चर दिसेल. ही चर नसून या गडावरच वैभव आहे म्हणजेच 30 मिटर खोली असलेली विहीर आहे. वास्तुकलेचा अविष्कार हा येथेच पहायला मिळतो..
����������������������
विहिरीत उतरायला पायर्या आहेत. विहिरीत उतरत असताना डाव्या बाजूला देवडि आहे. देवडिमधे महादेवाची पिंड असून समोर नंदी आहे. येथून खाली उतरत जावे.... जसे जसे खाली जावे तसा तसा थंडावा जाणवेल.विहिरीत बारमाही पाणी असते पण ते सध्या पिण्यायोग्य नाही. विहिरीत प्रकाशासाठी 2 झरोखे आहेत..
विहिरीतून बाहेर पडल्यावर पश्चिमेकडे चालत जावे तेथे आपल्याला 3 पाण्याचे टाके दिसतील, याची खोली सरासरी 8-10 फुट आहे. टाक्यात सध्या पाणी नाही. या 2 देखण्या वास्तु व्यतिरिक्त गडावर दुसरे काही पाहन्यासारखे म्हणजे गडाची तटबंदी , पडलेले बांधकाम दिसेल.
����������������������
��कसे जाल- कराड पासून पाटण गाठावे. पाटन मधून टोळेवाडिचा रोड विचारावा....
����������������������
��जय जीजाऊ
�� जय शिवराय
�� जय रौद्र शंभो
��माहिती संकलन आणि लेखन-
स्वराज्य योद्धा ट्रेकर्स
शिवछावा- मनोज शिवाजी महाडिक
"स्वराज्य" शिवशक्ति चौक , नेवरी.
ता. कडेगाव जि. सांगली 415311
मो. 9156571313 / 9890354353
मेल- manoj.swarajya96@gmail.com
©सर्व माहिती व फोटो संरक्षित
कोणत्याही टिप्पण्‍या नाहीत:
टिप्पणी पोस्ट करा